【多功能婆婆】主動湊孫照顧已為人母的女兒　媽媽：世上最偉大的是婆婆

做左人媽咪，先知道世上最偉大的人並不是媽媽，我覺得絶對是婆婆！

Aidan的婆婆稱得上係超人！真心佩服佢的偉大同毅力！一個女人照顧一頭家已經唔容易，佢仲會掛心埋結咗婚的囡囡。

安妮媽媽生左Aidan後，婆婆就更忙，但佢係唯一一個會係幫忙照顧孫仔的同時，無時無刻都會關心和緊張身為媽媽的女兒，經常幫忙湊BB，可以俾我有更多的時間休息。到Aidan再大d時，又會主動提出幫手湊，俾我哋兩公婆可以出去行下街輕鬆下。

婆婆最鍾意講的就係:

• 我唔攰，我幫你湊住先，你去訓一陣。
• 聽日我幫你照顧仔仔，你同老公去拍下拖啦！
• 我好飽，你哋食哂佢，鍾意食就食多d。
• 我唔使你幫手洗碗，一陣又要我跟手尾。（其實就係想我休息下）
• 琴晚訓得好唔好？
• 有無咩想食？我買上黎俾你。

其實，真係做左人媽咪先知道咩叫*媽咪唔肚餓*，媽咪永遠都係食得最慢的一個，因為會睇下小朋友夠唔夠食，有無邊d特別想食多d，就會留俾佢地。
仲有，婆婆的「唔攰」永遠都係厄人的，佢只不過係想俾我哋可以休息下或者做下自己野，所以就攬晒啲嘢做哂。

所以安妮媽媽成日都話如果婆婆搬屋，我一定跟住搬，住得近就可以成日見面啦！

我真係好愛好愛我的父母，我成日都覺得係因為佢地咁偉大無私，先可以令一家6口咁溫馨，相處得咁融合，我地四姊弟感情先會咁好，真係好感激我的爸爸媽媽，我太愛你地喇！

文章獲「安妮媽媽親子日記」授權轉載。

更多相關報道，

【超年輕外婆】16歲女兒搞出人命三年抱兩　媽媽33歲成超年輕外婆：我們一起長大

嫲嫲湊孫女1個月變出雙下巴　網民︰有一種餓叫阿嫲覺得你好餓

實時追蹤香港各地區疫情個案，立即下載經濟日報App︰bit.ly/2JdOaiS

實時追蹤香港新冠肺炎確診者住所 / 出現地點，立即下載經濟日報App︰bit.ly/2JdOaiS

TOPick推出小學各級工作紙，參考名校精選試題，鞏固知識，緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2